Cláracha Bibeanna. 6 x 25n 2006/2007

Tá airgeadú faighte ag Dovinia Teo. ó BCI agus TG4 chun sé chlár teilifíse a chur le chéile do TG4. Stair na mban i gCorca Dhuibhne ó thús an chéid seo caite ábhar na gclár. Beidh gach clár fotheidealaithe as Béarla.
Mar chur leis na cláracha, beidh leabhar agus dhá DVD á fhoilsiú don mhargadh náisiúnta agus idirnáisiúnta againn. Táimíd tosnaithe ar na cláracha seo agus tá súil againn a bheith críochnaithe leo roim Nollaig. Is togra mór don dúthaigh é seo.
Aois an-tábhachtach i stair an duine an aois seo caite, agus tá áthas orainn an seans a bheith againn an saol san a chlárú.

Cláracha Splanc. 5 x 25n 2007 (TG4)

Roghnaíodh Dovinia Teo. le sraith cúig chlár leathuair a chloig a léiriú. Léiriú cuimsitheach ar litríocht chomhaimseartha na Gaeilge, ina réimsí ar fad, úrscéalaíocht, gearrscéalaíocht, filíocht, drámaíocht, lúibíní agus agallamh beirte maraon le scríbhneoireacht ilmheánach, atá i gceist. Tá Brenda Ní Shúilleabháin mar stiúrthóir ar na cláracha thuasluaite.