Scéimeanna Fostaíochta Pobail
Tá na cúrsaí seo á reachtáil ag an Comharchumann Forbartha Chorca Dhuibhne do FÁS le dhá bhliain déag i leith. I láthair na huaire tá fiche duine agus saoiste ag obair ar an scéim reatha. Obair chothabhála ar hallaí agus ar áiseanna pobail chomh maith le hobair ar na bailte slachtmhara is mó atá i gceist. Cuirtear cúrsaí éagsúla traenála ar fáil dos na rannpháirtithe chomh maith i rith na scéime.

Teicneolaíocht an Eolais
Thosnaigh an Comharchumann ar chúrsaí ríomhaireachta a reachtáil sa bhliain 1983 agus lean sé seo ar aghaidh go dtí an bhliain 2003. Le linn an ama sin reachtáladh ana-chuid cúrsaí oiliúna sa Ríomhaireacht sa Daingean. Fuair 90% dóibh siúd a dh'fhreastail ar na cúrsaí seo fostaíocht bhuan, de réir aisghairm eolais ós na rannpháirtithe.